သီပေါစော်ဘွားကြီး စဝ်အုံကြာ/ စဝ်အုန်ကြာ/စဝ်အုန်းကြာ/ Sao Ohn Kya/ Sao On Kya အထက်အောက် အဖြူရောင်ဝတ်စုံတွေနဲ့ လူထောင်ပေါင်းများစွာဟာ လမ်းတလျောက် တရွေ့ရွေ့သွားလာနေကြတယ်။ အဲဒီလူတွေထဲ ဒေသခံတိုင်းရင်းသားတွေပါသလို အင်္ဂလိပ်စစ်သားတွေ၊ ပန်ချာဘီစစ်သည်တွေ၊ ရှေးနန်းတွင်းအဆောင်အယောင်နဲ့ ပုဂ္ဂိုလ်တွေလည်း အများကြီးပါပဲ။ တချို့တွေကလည်း မင်းခမ်းတော်ဝင်ပစ္စည်းတွေကို သယ်ပိုးလာကြတယ်။ တချို့တွေက သေနတ်တွေကိုထမ်းထားတယ်။ တချို့တွေက အမြောက်ကို ဆွဲနေကြတယ်။ တချို့တွေက ယာဉ်ရထားတစ်စင်းကို ကြိုးနဲ့ ဆွဲ သယ်ဆောင်နေကြတယ်။ အဲဒီယာဉ်ရထားပေါ်က ခေါင်းတလားထဲမှာ လဲလျောင်းအိပ်စက်ရင်း လိုက်ပါလာခဲ့ရသူကတော့ ကွယ်လွန်သူ ၈၇ ဆက်မြောက် (အချို့နေရာမှာ ၁၀၄ ဆက်မြောက် လို့လည်းတွေ့ရ) သီပေါစော်ဘွားကြီး စဝ်အုံကြာပဲ ဖြစ်ပါတယ်။ ၁၉၃၈ ခုနှစ်၊ ဇူလိုင်လမှာ သီပေါဟော်နန်းကြီးနဲ့ သီပေါမြေတစ်ခုလုံးဟာ ပူဆွေးဝမ်းနည်းရိပ်တွေနဲ့ လွှမ်းမိုးနေပါတယ်။ … Continue reading ဖရီးမေဆင်အသင်းဝင် သီပေါစော်ဘွားကြီး စဝ်အုံကြာ →